NË FOND PENSIONI
Jini të përgatitur për vitet e arta të jetës suaj pas daljes në pension.
Gati për të investuar për në pension?
Në fondin e pensionit mund të investohet në mënyrë idividuale ose përmes skemave profesionale nga punëdhënësi.
Pavarësisht nëse jeni duke filluar investimin për herë të parë, apo dëshironi të shtoni/pakësoni investimin tuaj ne jemi këtu për t’jua bërë më të lehtë me këto hapa:
AVANTAZHET E INVESTIMIT NË FOND PENSIONI
Të ardhura shtesë gjatë periudhës së pensionit.
I trashëgueshëm, pra nuk humbet.
I transferueshëm.
Fondi është i transferueshëm në një kompani tjetër menaxhimi kundrejt tarifës 0.5% të aseteve të grumbulluara.
Transparencë
Mund të monitoroni ecurinë e investimit tuaj, në çdo kohë, online.
Fleksibilitet
Mund të përfitohet 5 vite përpara moshës ligjore të pensionit, në formën e pagesave periodike ose në formën e një pagese të menjëherëshme.
Lehtësi tatimore: kontributi është i zbritshëm nga tatimi deri në një kufi të caktuar për punëdhënësin dhe për punëmarrësin.
PYETJET MË TË SHPESHTA
Pse është e rëndësishme të kontribuoj në një fond pensioni vullnetar?
Sepse pensioni shtetëror mund të mos jetë i mjaftueshëm për të siguruar të njëjtin standard jetese me të cilin jeni mësuar përpara daljes në pension. Kjo është arsyeja pse do t’ju duhet një e ardhur shtesë dhe kontributi në një fond pensioni privat është një zgjidhje shumë e mirë. Lehtësirat tatimore dhe lidhja e drejtpërdrejtë midis vlerës së kontributeve tuaja dhe vlerës së akumuluar në llogarinë tuaj të pensionit janë vetëm dy nga avantazhet e një fondi pensioni privat.
Cfarë është një plan pensioni profesional?
Punëdhënësi mund të krijojë një plan të pensionit profesional për punëmarrësit e tij, duke lidhur një kontratë me shoqërinë administruese, që do ta ofrojë fondin e pensionit për punëmarrësit e tij. Kontributet e pensionit në këtë rast ndahen midis punëdhënësit dhe punëmarrësit. Çdo kontribut i paguar nga punëdhënësi në favor të punëmarrësit vlerësohet sikur është paguar nga vetë punëmarrësi.
Kur mund të përfitoj pagesat e pensionit nga fondi i pensionit privat?
Pagesat e pensionit në formën e pagesave periodike ose në formën e pagesave të menjëherëshme mund të përfitohen pa penalitet 5 vite përpara moshës së pensionit. Në kushtet e tërhqjes së parakohëshme do të aplikohen penalitete sipas legjislacionit në fuqi.
A është fondi i siguruar nga Agjensia e Sigurimit të Depozitave (ASD)?
investimi në fond nuk është i siguruar nga agjencia e sigurimit të depozitave. Ky është standard ndërkombëtar për fondet e pensionit në të gjitha tregjet ndërkombëtare
A mund të ofrojë fondi i pensionit një normë kthimi fikse të paracaktuar?
Kthimi nga investimi në fondin e pensionit varet nga kushtet në treg, karakteristikat të fondit dhe strategjisë së investimeve që fondi vë në zbatim. Fondi i pensionit nuk mund të garantojë një kthim fiks të paracaktuar.
Cfarë ndodh në rast paaftësie të përhershme për punë?
Anëtari i fondit të pensionit, ka të drejtë të përfitojë pagesat e pensionit në formën e pagesave periodike ose në formën e pagesave të menjëhershme në rast të paaftësisë së tij të përhershme për punë.
Cfarë ndodh në rast vdekje para moshës së pensionit?
Nëse anëtari vdes përpara se të marrë pagesën e të gjitha aseteve të veta, asetet në llogarinë e tij të fondit të pensionit u shpërndahen trashëgimtarëve.
Nga çfarë varet siguria e parave të mia të investuara në fondet e investimeve?
Fondet e pensioneve janë subjekte të rregulluara nga Autoriteti I Mbikëqyrjes Financiare. Gjithashtu, çdo fond investimi ka një depozitar, një institucion financiar i pavarur i licencuar nga Autoriteti Mbikëqyrjes që është përgjegjës për ruajtjen e aseteve të Fondit si dhe verifikimin e vlerës së tyre.
