T’u ofrojmë investitorëve tanë një eksperiencë te shkëlqyer, nëpërmjet alternativave të reja dhe të përshtatshme të investimit dhe teknologjive inovatore, bazuar në parime dhe profesionalizëm, nëpërmjet fokusimit dhe jo vetem në:

• Njohjen e klientëve tanë dhe orientimin e tyre drejt vendimarrjes së duhur të investimit;
• Administrimin cilësor të aseteve me qëllim kthime të kënaqshme nga investimi;
• Mirëqeverisjen e korporatës;
• Krijimin e opsioneve të reja për investim, paralelisht me rritjen e edukimit financiar të publikut mbi fondet e investimit & pensionit vullnetar.

Vlerat :

Integritet : Ne vendosim interesat e klientëve tanë në plan të parë, duke i bërë qëllimet e tyre qëllimet tona. Ky është detyrimi ynë etik dhe profesional – dhe mënyra e duhur për të vepruar. Integriteti është thelbi i procesit tonë të investimeve, marrëdhënieve me klientët dhe gjithçka që bëjmë.

Përgjegjshmëri : Veprojmë me përgjegjësi ndaj investitorëve, njëri-tjetrit dhe komunitetit. Vetëm dhe së bashku jemi përgjegjës për çdo vendim e veprim që ndërmarrim.

Të mësuarit : I gjithë stafi ynë është në një proces mësimi të vazhdueshëm me qëllim arritjen e nivelit me të lartë të profesionalizmit dhe praktivave me të mira të administrimit të aseteve.

Bashkëpunim : Në Raiffeisen Invest ne kemi krijuar një mjedis të ngrohtë ku bashkëpunojmë, komunikojmë dhe mbështesim njëri-tjetrin nëpërmjet besimit dhe respektit reciprok.

Disipline : Ajo që na udhëheq në çdo proces analize, pune kërkimore dhe investime është disiplina. Ne i përmbahemi një procesi të qëndrueshëm dhe të disiplinuar, duke u siguruar që çdo vendim të mbështetet në një gjykim të shëndoshë, pa u shpërqëndruar nga skupe mediatike dhe mentaliteti i turmës. Ky fokus na mundëson marrjen e vendimeve racionale në një kohë kur investitorët shpesh bëjnë vendimarrje emocionale.