Objektivi i Fondit Invest Euro është të jetë likuid dhe të rrisë të ardhurat nga investimi në një horizont afatmesëm, duke ruajtur nivelin e kapitalit.
Asetet e fondit investohen në 2 kategori: Tituj borxhi dhe Tregu i parasë / ekuivalentë cash-i. Fondi investon në instrumentat financiare të mëposhtme:
- deri në 60% të aseteve të tij në tituj borxhi qeveritar, të emetuar ose garantuar nga Qeveria Republikës së Shqipërisë.
- deri në 20% Tituj borxhi të emetuara ose garantuara nga shtete të tjera sovrane të tregtuara në tregje të rregulluara ose bursat zyrtare të shteteve të BE-së apo çdo shtet tjetër të lejuar nga AMF-ja
- deri në 80% në depozita bankare afatshkurta, cash në llogari rrjedhëse dhe marrëveshje të anasjellta të riblerjes në funksion të menaxhimit të likuiditetit
- deri në 30% të aseteve në tituj borxhi të emëtuara nga autoritetet vendore ose shoqëri tregtare, të tregtueshëm në tregje të rregulluara ose bursë titujsh në Republikën e Shqipërisë
Fondi investon në kuota të fondeve të investimit si një tjetër formë diversifikimi.
Bazuar në të dhënat historike të kthimeve të fondit gjatë 5 viteve të fundit, profili i parashikuar i riskut të fondit i përket kategorisë 3 të treguesit të riskut sintetik dhe përfitimit (SRRI=3).
Risk i ulët
Potencial përfitimi më i ulët
Risk i lartë
Potencial përfitimi më i lartë
Treguesi i riskut dhe përfitimit korrespondon me një numër të plotë i cili përdoret për të renditur fondin në një nivel risku nga 1 në 7, sipas nivelit të rritjes të luhatshmërisë. Kategoria e treguar e riskut nuk garantohet dhe mund të ndryshojë me kalimin e kohës.
| Monedha | EURO |
|---|---|
| Horizonti minimal i rekomanduar i investimit | 2 vite |
| Shuma minimale e investimit | 250 Euro |
| Shuma minimale në rastet e planeve të investimit | 30 Euro |
| Tarifa e administrimit | Deri në 1.3 % në vit |
| Tarifa hyrëse | 0.00% |
| Tarifa dalëse | 0.00% |
| Tarifa totale (përfshin dhe tarifa të tjera që i ngarkohen fondit në përputhje me prospektin e tij) | Max 1.6% në vit |
Pse të investoni në fondin Raiffeisen Invest Euro?
- Mundësi për të përfituar kthim të kënaqshëm duke rritur vlerën e aseteve të investuara.
- Mundësi diversifikimi
- Fleksibilitet:
- mund të shtoni shumën e investuar në çdo kohë
- mund të zgjidhni të investoni nëpërmjet një plani investimi: pagesa automatike, periodike dhe në vlera të vogla
- mund të kërkoni të shisni kuotat tuaja në çdo moment: Raiffeisen Invest ju shlyen brenda 7 ditëve nga data e kërkesës për tërheqje nga Fondi.
- Menaxhim profesional i aseteve tuaja falë stafit të kualifikuar të Raiffeisen Invest.
- Transparencë: Akses në çdo kohë në llogarinë tuaj on-line dhe monitorim i investimit në çdo moment.
- Raiffeisen Invest sh. a – pjesë e grupit Raiffeisen.